Shiva Kavacham — Śivakavacakathanam

नमस्कृत्य महादेवं विश्वव्यापिनमीश्वरम् । वक्ष्ये शिवमयं वर्म सर्वरक्षाकरं नृणाम् ॥

namaskritya mahaadevam vishvavyaapinameeshvaram | vakshye shivamayam varma sarvarakshaakaram nrinaam ||namaskṛtya mahādevaṃ viśvavyāpinamīśvaram | vakṣye śivamayaṃ varma sarvarakṣākaraṃ nṛṇām ||

शुचौ देशे समासीनो यथावत्कल्पितासनः । जितेन्द्रियो जितप्राणश्चिन्तयेच्छिवमव्ययम् ॥

shuchau deshe samaaseeno yathaavatkalpitaasanah | jitendriyo jitapraanashchintayechchhivamavyayam ||śucau deśe samāsīno yathāvatkalpitāsanaḥ | jitendriyo jitaprāṇaścintayecchivamavyayam ||

हृत्पुण्डरीकान्तरसन्निविष्टं स्वतेजसा व्याप्तनभोवकाशम् । अतीन्द्रियं सूक्ष्ममनन्तमाद्यं ध्यायेत्परानन्दमयं महेशम् ॥

hritpundareekaantarasannivishtam svatejasaa vyaaptanabhovakaasham | ateendriyam sookshmamanantamaadyam dhyaayetparaanandamayam mahesham ||hṛtpuṇḍarīkāntarasanniviṣṭaṃ svatejasā vyāptanabhovakāśam | atīndriyaṃ sūkṣmamanantamādyaṃ dhyāyetparānandamayaṃ maheśam ||

ध्यानावधूताखिलकर्मबन्धश्चिरं चिदानन्दनिमग्नचेताः । षडक्षरन्याससमाहितात्मा शैवेन कुर्यात्कवचेन रक्षाम् ॥

dhyaanaavadhootaakhilakarmabandhashchiram chidaanandanimagnachetaah | shadaksharanyaasasamaahitaatmaa shaivena kuryaatkavachena rakshaam ||dhyānāvadhūtākhilakarmabandhaściraṃ cidānandanimagnacetāḥ | ṣaḍakṣaranyāsasamāhitātmā śaivena kuryātkavacena rakṣām ||

मां पातु देवोऽखिलदेवतात्मा संसारकूपे पतितं गभीरे । तन्नाम दिव्यं वरमन्त्रमूलं धुनोतु मे सर्वमघं हृदिस्थम् ॥

maam paatu devo’khiladevataatmaa samsaarakoope patitam gabheere | tannaama divyam varamantramoolam dhunotu me sarvamagham hridistham ||māṃ pātu devo’khiladevatātmā saṃsārakūpe patitaṃ gabhīre | tannāma divyaṃ varamantramūlaṃ dhunotu me sarvamaghaṃ hṛdistham ||

सर्वत्र मां रक्षतु विश्वमूर्त्तिर्ज्योतिर्मयानन्दघनश्चिदात्मा । अणोरणीयानुरुशक्तिरेकः स ईश्वरः पातु भयादशेषात् ॥

sarvatra maam rakshatu vishvamoorttirjyotirmayaanandaghanashchidaatmaa | anoraneeyaanurushaktirekah sa eeshvarah paatu bhayaadasheshaat ||sarvatra māṃ rakṣatu viśvamūrttirjyotirmayānandaghanaścidātmā | aṇoraṇīyānuruśaktirekaḥ sa īśvaraḥ pātu bhayādaśeṣāt ||

यो भूस्वरूपेण बिभर्ति विश्वं पायात्स भूमेर्गिरिशोऽष्टमूर्तिः । योऽपां स्वरूपेण नृणां करोति सञ्जीनं सोऽवतु मां जलेभ्यः ॥

yo bhoosvaroopena bibharti vishvam paayaatsa bhoomergirisho’shtamoortih | yo’paam svaroopena nrinaam karoti sanjeenam so’vatu maam jalebhyah ||yo bhūsvarūpeṇa bibharti viśvaṃ pāyātsa bhūmergiriśo’ṣṭamūrtiḥ | yo’pāṃ svarūpeṇa nṛṇāṃ karoti sañjīnaṃ so’vatu māṃ jalebhyaḥ ||

कल्पावसाने भुवनानि दग्ध्वा सर्वाणि यो नृत्यति भूरिलीलः । स कालरुद्रोऽवतु मां दवाग्नेर्वात्यादिभीतेरखिलाच्च तापात् ॥

kalpaavasaane bhuvanaani dagdhvaa sarvaani yo nrityati bhoorileelah | sa kaalarudro’vatu maam davaagnervaatyaadibheeterakhilaachcha taapaat ||kalpāvasāne bhuvanāni dagdhvā sarvāṇi yo nṛtyati bhūrilīlaḥ | sa kālarudro’vatu māṃ davāgnervātyādibhīterakhilācca tāpāt ||

प्रदीप्तविद्युत्कनकावभासो विद्यावराभीतिकुठारपाणिः । चतुर्मुखस्तत्पुरुषस्त्रिनेत्रः प्राच्यां स्थितं रक्षतु मामजस्रम् ॥

pradeeptavidyutkanakaavabhaaso vidyaavaraabheetikuthaarapaanih | chaturmukhastatpurushastrinetrah praachyaam sthitam rakshatu maamajasram ||pradīptavidyutkanakāvabhāso vidyāvarābhītikuṭhārapāṇiḥ | caturmukhastatpuruṣastrinetraḥ prācyāṃ sthitaṃ rakṣatu māmajasram ||

कुठारवेदाङ्कुशपाशशूलकपालढक्काक्षगुणान्दधानः । चतुर्मुखो नीलरुचिस्त्रिनेत्रः पायादघोरो दिशि दक्षिणस्याम् ॥

kuthaaravedaankushapaashashoolakapaaladhakkaakshagunaandadhaanah | chaturmukho neelaruchistrinetrah paayaadaghoro dishi dakshinasyaam ||kuṭhāravedāṅkuśapāśaśūlakapālaḍhakkākṣaguṇāndadhānaḥ | caturmukho nīlarucistrinetraḥ pāyādaghoro diśi dakṣiṇasyām ||

कुन्देन्दुशङ्खस्फटिकावभासो वेदाक्षमालावरदाभयाङ्कः । त्र्यक्षश्चतुर्वक्त्र उरुप्रभावः सद्योधिजातोवतु मां प्रतीच्याम् ॥

kundendushankhasphatikaavabhaaso vedaakshamaalaavaradaabhayaankah | tryakshashchaturvaktra uruprabhaavah sadyodhijaatovatu maam prateechyaam ||kundenduśaṅkhasphaṭikāvabhāso vedākṣamālāvaradābhayāṅkaḥ | tryakṣaścaturvaktra uruprabhāvaḥ sadyodhijātovatu māṃ pratīcyām ||

वराक्षमालाभयटङ्कहस्तः सरोजकिञ्जल्कसमानवर्णः । त्रिलोचनश्चारुचतुर्मुखो मां पायादुदीच्यां दिशि वामदेवः ॥

varaakshamaalaabhayatankahastah sarojakinjalkasamaanavarnah | trilochanashchaaruchaturmukho maam paayaadudeechyaam dishi vaamadevah ||varākṣamālābhayaṭaṅkahastaḥ sarojakiñjalkasamānavarṇaḥ | trilocanaścārucaturmukho māṃ pāyādudīcyāṃ diśi vāmadevaḥ ||

वेदाभयेष्टाङ्कुशटङ्कपाशकपालढक्काक्षकशूलपाणिः । सितद्युतिः पञ्चमुखोऽवतान्मामीशान ऊर्द्ध्वं परमप्रकाशः ॥

vedaabhayeshtaankushatankapaashakapaaladhakkaakshakashoolapaanih | sitadyutih panchamukho’vataanmaameeshaana oorddhvam paramaprakaashah ||vedābhayeṣṭāṅkuśaṭaṅkapāśakapālaḍhakkākṣakaśūlapāṇiḥ | sitadyutiḥ pañcamukho’vatānmāmīśāna ūrddhvaṃ paramaprakāśaḥ ||

मूर्धानमव्यान्मम चन्द्रमौ लिर्भालं ममाव्यादथ भालनेत्रः । नेत्रे ममाव्याद्भगनेत्रहारी नासां सदा रक्षतु विश्वनाथः ॥

moordhaanamavyaanmama chandramau lirbhaalam mamaavyaadatha bhaalanetrah | netre mamaavyaadbhaganetrahaaree naasaam sadaa rakshatu vishvanaathah ||mūrdhānamavyānmama candramau lirbhālaṃ mamāvyādatha bhālanetraḥ | netre mamāvyādbhaganetrahārī nāsāṃ sadā rakṣatu viśvanāthaḥ ||

पायाच्छ्रुती मे श्रुतिगीतकीर्तिः कपोलमव्या त्सततं कपाली । वक्त्रं सदा रक्षतु पञ्चवक्त्रो जिह्वां सदा रक्षतु वेदजिह्वः ॥

paayaachchhrutee me shrutigeetakeertih kapolamavyaa tsatatam kapaalee | vaktram sadaa rakshatu panchavaktro jihvaam sadaa rakshatu vedajihvah ||pāyācchrutī me śrutigītakīrtiḥ kapolamavyā tsatataṃ kapālī | vaktraṃ sadā rakṣatu pañcavaktro jihvāṃ sadā rakṣatu vedajihvaḥ ||

कण्ठं गिरीशोऽवतु नीलकण्ठः पाणिद्वयं पातु पिनाकपाणिः । दोर्मूलमव्यान्मम धर्मबाहुर्वक्षःस्थलं दक्षमखान्तकोऽव्यात् ॥

kantham gireesho’vatu neelakanthah paanidvayam paatu pinaakapaanih | dormoolamavyaanmama dharmabaahurvakshahsthalam dakshamakhaantako’vyaat ||kaṇṭhaṃ girīśo’vatu nīlakaṇṭhaḥ pāṇidvayaṃ pātu pinākapāṇiḥ | dormūlamavyānmama dharmabāhurvakṣaḥsthalaṃ dakṣamakhāntako’vyāt ||

ममोदरं पातु गिरीन्द्रधन्वा मध्यं ममाव्यान्मदनान्तकारी । हेरम्बतातो मम पातु नाभिं पायात्कटी धूर्जटिरीश्वरो मे ॥

mamodaram paatu gireendradhanvaa madhyam mamaavyaanmadanaantakaaree | herambataato mama paatu naabhim paayaatkatee dhoorjatireeshvaro me ||mamodaraṃ pātu girīndradhanvā madhyaṃ mamāvyānmadanāntakārī | herambatāto mama pātu nābhiṃ pāyātkaṭī dhūrjaṭirīśvaro me ||

ऊरुद्वयं पातु कुबेरमित्रो जानुद्वयं मे जगदीश्वरोऽव्यात् । जङ्घायुगं पुङ्गवकेतुरव्यात्पादौ ममाव्या त्सुरवन्द्यपादः ॥

oorudvayam paatu kuberamitro jaanudvayam me jagadeeshvaro’vyaat | janghaayugam pungavaketuravyaatpaadau mamaavyaa tsuravandyapaadah ||ūrudvayaṃ pātu kuberamitro jānudvayaṃ me jagadīśvaro’vyāt | jaṅghāyugaṃ puṅgavaketuravyātpādau mamāvyā tsuravandyapādaḥ ||

महेश्वरः पातु दिनादियामे मां मध्ययामेऽवतु वामदेवः । त्रियम्बकः पातु तृतीययामे वृषध्वजः पातु दिनान्त्ययामे ॥

maheshvarah paatu dinaadiyaame maam madhyayaame’vatu vaamadevah | triyambakah paatu triteeyayaame vrishadhvajah paatu dinaantyayaame ||maheśvaraḥ pātu dinādiyāme māṃ madhyayāme’vatu vāmadevaḥ | triyambakaḥ pātu tṛtīyayāme vṛṣadhvajaḥ pātu dināntyayāme ||

पायान्निशादौ शशिशेखरो मां गङ्गाधरो रक्षतु मां निशीथे । गौरीपतिः पातु निशावसाने मृत्युञ्जयो रक्षतु सर्वकालम् ॥

paayaannishaadau shashishekharo maam gangaadharo rakshatu maam nisheethe | gaureepatih paatu nishaavasaane mrityunjayo rakshatu sarvakaalam ||pāyānniśādau śaśiśekharo māṃ gaṅgādharo rakṣatu māṃ niśīthe | gaurīpatiḥ pātu niśāvasāne mṛtyuñjayo rakṣatu sarvakālam ||

अन्तःस्थितं रक्षतु शङ्करो मां स्थाणुः सदा पातु बहिःस्थितं माम् । तदन्तरे पातु पतिः पशूनां सदा शिवो रक्षतु मां समन्तात् ॥

antahsthitam rakshatu shankaro maam sthaanuh sadaa paatu bahihsthitam maam | tadantare paatu patih pashoonaam sadaa shivo rakshatu maam samantaat ||antaḥsthitaṃ rakṣatu śaṅkaro māṃ sthāṇuḥ sadā pātu bahiḥsthitaṃ mām | tadantare pātu patiḥ paśūnāṃ sadā śivo rakṣatu māṃ samantāt ||

तिष्ठन्तमव्या द्भुवनैकनाथः पायाद्व्रजन्तं प्रमथाधिनाथः । वेदान्तवेद्योऽवतु मान्निषण्णं मामव्ययः पातु शिवः शयानम् ॥

tishthantamavyaa dbhuvanaikanaathah paayaadvrajantam pramathaadhinaathah | vedaantavedyo’vatu maannishannam maamavyayah paatu shivah shayaanam ||tiṣṭhantamavyā dbhuvanaikanāthaḥ pāyādvrajantaṃ pramathādhināthaḥ | vedāntavedyo’vatu mānniṣaṇṇaṃ māmavyayaḥ pātu śivaḥ śayānam ||

मार्गेषु मां रक्षतु नीलकण्ठः शैलादिदुर्गेषु पुरत्रयारिः । अरण्यवासादिमहाप्रवासे पायान्मृगव्याध उदारशक्तिः ॥

maargeshu maam rakshatu neelakanthah shailaadidurgeshu puratrayaarih | aranyavaasaadimahaapravaase paayaanmrigavyaadha udaarashaktih ||mārgeṣu māṃ rakṣatu nīlakaṇṭhaḥ śailādidurgeṣu puratrayāriḥ | araṇyavāsādimahāpravāse pāyānmṛgavyādha udāraśaktiḥ ||

कल्पान्तकाटोपपटुप्रकोपः स्फुटाट्टहासोच्चलिताण्डकोशः । घोरारिसेनार्णवदुर्निवारमहाभयाद्रक्षतु वीरभद्रः ॥

kalpaantakaatopapatuprakopah sphutaattahaasochchalitaandakoshah | ghoraarisenaarnavadurnivaaramahaabhayaadrakshatu veerabhadrah ||kalpāntakāṭopapaṭuprakopaḥ sphuṭāṭṭahāsoccalitāṇḍakośaḥ | ghorārisenārṇavadurnivāramahābhayādrakṣatu vīrabhadraḥ ||

पत्त्यश्वमातङ्गघटावरूथसहस्रलक्षायुतकोटिभीषणम् । अक्षौहिणीनां शतमाततायिनां छिन्द्या न्मूढो घोरकुठारधारया ॥

pattyashvamaatangaghataavaroothasahasralakshaayutakotibheeshanam | akshauhineenaam shatamaatataayinaam chhindyaa nmoodho ghorakuthaaradhaarayaa ||pattyaśvamātaṅgaghaṭāvarūthasahasralakṣāyutakoṭibhīṣaṇam | akṣauhiṇīnāṃ śatamātatāyināṃ chindyā nmūḍho ghorakuṭhāradhārayā ||

निहन्तु दस्यून्प्रलयानलार्चिर्ज्वलत्त्रिशूलं त्रिपुरान्तकस्य । शार्दूलसिंहर्क्षवृकादिहिंस्रान्सन्त्रासयत्वीशधनुःपिनाकम् ॥

nihantu dasyoonpralayaanalaarchirjvalattrishoolam tripuraantakasya | shaardoolasimharkshavrikaadihimsraansantraasayatveeshadhanuhpinaakam ||nihantu dasyūnpralayānalārcirjvalattriśūlaṃ tripurāntakasya | śārdūlasiṃharkṣavṛkādihiṃsrānsantrāsayatvīśadhanuḥpinākam ||

दुःस्वप्नदुःशकुनदुर्गतिदौर्मनस्यदुर्भिक्षदुर्व्यसनदुःसहदुर्यशांसि । उत्पाततापविषभीतिमसद्ग्रहार्तिव्याधींश्च नाशयतु मे जगतामधीशः ॥

duhsvapnaduhshakunadurgatidaurmanasyadurbhikshadurvyasanaduhsahaduryashaamsi | utpaatataapavishabheetimasadgrahaartivyaadheemshcha naashayatu me jagataamadheeshah ||duḥsvapnaduḥśakunadurgatidaurmanasyadurbhikṣadurvyasanaduḥsahaduryaśāṃsi | utpātatāpaviṣabhītimasadgrahārtivyādhīṃśca nāśayatu me jagatāmadhīśaḥ ||

ओन्नमो भगवते सदाशिवाय सकलतत्त्वात्मकाय सकलतत्त्वविहाराय सकललोकैककर्त्रे सकललौकैकभर्त्रे सकललोकैकहर्त्रे सकललोकैकगुरवे सकललोकैकसाक्षिणे सकलनिगमगुह्याय सकलवरप्रदाय सकलदुरितार्तिभञ्जनाय सकलजगदभयङ्कराय सकललोकैकशङ्कराय शशाङ्कशेखराय शाश्व तनिजाभासाय निर्गुणाय निरुपमाय नीरूपाय निराभासाय निरामयाय निष्प्रपञ्चाय निष्कलङ्काय निर्द्वन्द्वाय निःसङ्गाय निर्मलाय निर्गमाय नित्यरूपविभवाय निरुपमविभवाय निराधाराय नित्यशुद्धबुद्धपरिपूर्णसच्चिदानन्दाद्वयाय परमशान्तप्रकाशतेजोरूपाय जयजय महारुद्र महारौद्र भद्रावतार दुःखदावदारण महाभैरव कालभैरव कल्पान्तभैरव कपालमालाधर खट्वाङ्गखड्गचर्मपाशाङ्कुशडमरुशूलचापबाणगदाशक्तिभिं डिपालतोमरमुसलमुद्गरपट्टिशपरशुपरिघभुशुण्डीशतघ्नीचक्राद्यायुधभीषणकरसहस्र मुखदंष्ट्राकराल विकटाट्टहासविस्फारितब्रह्मामण्डल नागेन्द्र कुण्डल नागेन्द्रहार नागेन्द्रवलय नागेन्द्रचर्मधर मृत्युञ्जय त्र्यम्बक त्रिपुरान्तक विरूपाक्ष विश्वेश्वर विश्वरूप वृषभवाहन विषभूषण विश्वतोमुख सर्वतो रक्षरक्ष मां ज्वलज्वल महामृत्युभयमपमृत्युभयं नाशयनाशय रोगभयमुत्सादयोत्सादय विषसर्पभयं शमयशमय चोरभयं मारयमारय मम शत्रूनुच्चा टयोच्चाटय शूलेन विदारयविदारय कुठारेण भिन्धिभिन्धि खड्गेन छिन्धिछिन्धि खट्वाङ्गेन विपोथयविपोथय मुसलेन निष्पेषयनिष्पेषय बाणैः सन्ताडय सन्ताडय रक्षांसि भीषयभीषय भूतानि विद्रावयविद्रावय कूष्माण्डवेतालमारीगणब्रह्मराक्षसान्सन्त्रासयसन्त्रासय ममाभयं कुरुकुरु वित्रस्तं मामाश्वास याश्वासय नरकभयान्मामुद्धारयोद्धारय सञ्जीवयसञ्जीवय क्षुत्तृड्भ्यां मामाप्याययाप्यायय दुःखातुरं मामानन्दयानन्दय शिवकवचेन मामाच्छादया च्छादय त्र्यम्बक सदाशिव नमस्तेनमस्तेनमस्ते ॥

onnamo bhagavate sadaashivaaya sakalatattvaatmakaaya sakalatattvavihaaraaya sakalalokaikakartre sakalalaukaikabhartre sakalalokaikahartre sakalalokaikagurave sakalalokaikasaakshine sakalanigamaguhyaaya sakalavarapradaaya sakaladuritaartibhanjanaaya sakalajagadabhayankaraaya sakalalokaikashankaraaya shashaankashekharaaya shaashva tanijaabhaasaaya nirgunaaya nirupamaaya neeroopaaya niraabhaasaaya niraamayaaya nishprapanchaaya nishkalankaaya nirdvandvaaya nihsangaaya nirmalaaya nirgamaaya nityaroopavibhavaaya nirupamavibhavaaya niraadhaaraaya nityashuddhabuddhaparipoornasachchidaanandaadvayaaya paramashaantaprakaashatejoroopaaya jayajaya mahaarudra mahaaraudra bhadraavataara duhkhadaavadaarana mahaabhairava kaalabhairava kalpaantabhairava kapaalamaalaadhara khatvaangakhadgacharmapaashaankushadamarushoolachaapabaanagadaashaktibhim dipaalatomaramusalamudgarapattishaparashuparighabhushundeeshataghneechakraadyaayudhabheeshanakarasahasra mukhadamshtraakaraala vikataattahaasavisphaaritabrahmaamandala naagendra kundala naagendrahaara naagendravalaya naagendracharmadhara mrityunjaya tryambaka tripuraantaka viroopaaksha vishveshvara vishvaroopa vrishabhavaahana vishabhooshana vishvatomukha sarvato raksharaksha maam jvalajvala mahaamrityubhayamapamrityubhayam naashayanaashaya rogabhayamutsaadayotsaadaya vishasarpabhayam shamayashamaya chorabhayam maarayamaaraya mama shatroonuchchaa tayochchaataya shoolena vidaarayavidaaraya kuthaarena bhindhibhindhi khadgena chhindhichhindhi khatvaangena vipothayavipothaya musalena nishpeshayanishpeshaya baanaih santaadaya santaadaya rakshaamsi bheeshayabheeshaya bhootaani vidraavayavidraavaya kooshmaandavetaalamaareeganabrahmaraakshasaansantraasayasantraasaya mamaabhayam kurukuru vitrastam maamaashvaasa yaashvaasaya narakabhayaanmaamuddhaarayoddhaaraya sanjeevayasanjeevaya kshuttridbhyaam maamaapyaayayaapyaayaya duhkhaaturam maamaanandayaanandaya shivakavachena maamaachchhaadayaa chchhaadaya tryambaka sadaashiva namastenamastenamaste ||onnamo bhagavate sadāśivāya sakalatattvātmakāya sakalatattvavihārāya sakalalokaikakartre sakalalaukaikabhartre sakalalokaikahartre sakalalokaikagurave sakalalokaikasākṣiṇe sakalanigamaguhyāya sakalavarapradāya sakaladuritārtibhañjanāya sakalajagadabhayaṅkarāya sakalalokaikaśaṅkarāya śaśāṅkaśekharāya śāśva tanijābhāsāya nirguṇāya nirupamāya nīrūpāya nirābhāsāya nirāmayāya niṣprapañcāya niṣkalaṅkāya nirdvandvāya niḥsaṅgāya nirmalāya nirgamāya nityarūpavibhavāya nirupamavibhavāya nirādhārāya nityaśuddhabuddhaparipūrṇasaccidānandādvayāya paramaśāntaprakāśatejorūpāya jayajaya mahārudra mahāraudra bhadrāvatāra duḥkhadāvadāraṇa mahābhairava kālabhairava kalpāntabhairava kapālamālādhara khaṭvāṅgakhaḍgacarmapāśāṅkuśaḍamaruśūlacāpabāṇagadāśaktibhiṃ ḍipālatomaramusalamudgarapaṭṭiśaparaśuparighabhuśuṇḍīśataghnīcakrādyāyudhabhīṣaṇakarasahasra mukhadaṃṣṭrākarāla vikaṭāṭṭahāsavisphāritabrahmāmaṇḍala nāgendra kuṇḍala nāgendrahāra nāgendravalaya nāgendracarmadhara mṛtyuñjaya tryambaka tripurāntaka virūpākṣa viśveśvara viśvarūpa vṛṣabhavāhana viṣabhūṣaṇa viśvatomukha sarvato rakṣarakṣa māṃ jvalajvala mahāmṛtyubhayamapamṛtyubhayaṃ nāśayanāśaya rogabhayamutsādayotsādaya viṣasarpabhayaṃ śamayaśamaya corabhayaṃ mārayamāraya mama śatrūnuccā ṭayoccāṭaya śūlena vidārayavidāraya kuṭhāreṇa bhindhibhindhi khaḍgena chindhichindhi khaṭvāṅgena vipothayavipothaya musalena niṣpeṣayaniṣpeṣaya bāṇaiḥ santāḍaya santāḍaya rakṣāṃsi bhīṣayabhīṣaya bhūtāni vidrāvayavidrāvaya kūṣmāṇḍavetālamārīgaṇabrahmarākṣasānsantrāsayasantrāsaya mamābhayaṃ kurukuru vitrastaṃ māmāśvāsa yāśvāsaya narakabhayānmāmuddhārayoddhāraya sañjīvayasañjīvaya kṣuttṛḍbhyāṃ māmāpyāyayāpyāyaya duḥkhāturaṃ māmānandayānandaya śivakavacena māmācchādayā cchādaya tryambaka sadāśiva namastenamastenamaste ||

इत्येतत्कवचं शैवं वरदं व्याहृतं मया । सर्वबाधाप्रशमनं रहस्यं सर्व देहिनाम् ॥

ityetatkavacham shaivam varadam vyaahritam mayaa | sarvabaadhaaprashamanam rahasyam sarva dehinaam ||ityetatkavacaṃ śaivaṃ varadaṃ vyāhṛtaṃ mayā | sarvabādhāpraśamanaṃ rahasyaṃ sarva dehinām ||

यः सदा धारयेन्मर्त्यः शैवं कवचमुत्तमम् । न तस्य जायते क्वापि भयं शम्भोरनुग्रहात् ॥

yah sadaa dhaarayenmartyah shaivam kavachamuttamam | na tasya jaayate kvaapi bhayam shambhoranugrahaat ||yaḥ sadā dhārayenmartyaḥ śaivaṃ kavacamuttamam | na tasya jāyate kvāpi bhayaṃ śambhoranugrahāt ||

क्षीणायुर्मृत्युमापन्नो महारोगहतोऽपि वा । सद्यः सुखमवाप्नोति दीर्घमायुश्च विन्दति ॥

ksheenaayurmrityumaapanno mahaarogahato’pi vaa | sadyah sukhamavaapnoti deerghamaayushcha vindati ||kṣīṇāyurmṛtyumāpanno mahārogahato’pi vā | sadyaḥ sukhamavāpnoti dīrghamāyuśca vindati ||

सर्वदारिद्र्यशमनं सौमङ्गल्यविवर्धनम् । यो धत्ते कवचं शैवं स देवैरपि पूज्यते ॥

sarvadaaridryashamanam saumangalyavivardhanam | yo dhatte kavacham shaivam sa devairapi poojyate ||sarvadāridryaśamanaṃ saumaṅgalyavivardhanam | yo dhatte kavacaṃ śaivaṃ sa devairapi pūjyate ||

महापातकसङ्घातैर्मुच्यते चोपपातकैः । देहान्ते शिवमाप्नोति शिववर्मानुभावतः ॥

mahaapaatakasanghaatairmuchyate chopapaatakaih | dehaante shivamaapnoti shivavarmaanubhaavatah ||mahāpātakasaṅghātairmucyate copapātakaiḥ | dehānte śivamāpnoti śivavarmānubhāvataḥ ||

त्वमपि श्रद्धया वत्स शैवं कवच मुत्तमम् । धारयस्व मया दत्तं सद्यः श्रेयो ह्यवाप्स्यसि ॥

tvamapi shraddhayaa vatsa shaivam kavacha muttamam | dhaarayasva mayaa dattam sadyah shreyo hyavaapsyasi ||tvamapi śraddhayā vatsa śaivaṃ kavaca muttamam | dhārayasva mayā dattaṃ sadyaḥ śreyo hyavāpsyasi ||

इत्युक्त्वा ऋषभो योगी तस्मै पार्थिवसूनवे । ददौ शङ्खं महारावं खड्गं चारिनिषूदनम् ॥

ityuktvaa rishabho yogee tasmai paarthivasoonave | dadau shankham mahaaraavam khadgam chaarinishoodanam ||ityuktvā ṛṣabho yogī tasmai pārthivasūnave | dadau śaṅkhaṃ mahārāvaṃ khaḍgaṃ cāriniṣūdanam ||

पुनश्च भस्म सम्मन्त्र्य तदङ्गं सर्वतोऽस्पृशत् । गजानां षट्सहस्रस्य द्विगुणं च बलं ददौ ॥

punashcha bhasma sammantrya tadangam sarvato’sprishat | gajaanaam shatsahasrasya dvigunam cha balam dadau ||punaśca bhasma sammantrya tadaṅgaṃ sarvato’spṛśat | gajānāṃ ṣaṭsahasrasya dviguṇaṃ ca balaṃ dadau ||

भस्मप्रभावात्सम्प्राप्य बलैश्वर्यधृतिस्मृतीः । स राजपुत्रः शुशुभे शरदर्क इव श्रिया ॥

bhasmaprabhaavaatsampraapya balaishvaryadhritismriteeh | sa raajaputrah shushubhe sharadarka iva shriyaa ||bhasmaprabhāvātsamprāpya balaiśvaryadhṛtismṛtīḥ | sa rājaputraḥ śuśubhe śaradarka iva śriyā ||

तमाह प्राञ्जलिं भूयः स योगी राजनन्दनम् । एष खड्गो मया दत्तस्तपोमन्त्रानुभावतः ॥

tamaaha praanjalim bhooyah sa yogee raajanandanam | esha khadgo mayaa dattastapomantraanubhaavatah ||tamāha prāñjaliṃ bhūyaḥ sa yogī rājanandanam | eṣa khaḍgo mayā dattastapomantrānubhāvataḥ ||

शितधारमिमं खड्गं यस्मै दर्शयसि स्फुटम् । स सद्यो म्रियते शत्रुः साक्षान्मृत्युरपि स्वयम् ॥

shitadhaaramimam khadgam yasmai darshayasi sphutam | sa sadyo mriyate shatruh saakshaanmrityurapi svayam ||śitadhāramimaṃ khaḍgaṃ yasmai darśayasi sphuṭam | sa sadyo mriyate śatruḥ sākṣānmṛtyurapi svayam ||

अस्य शङ्खस्य निह्रादं ये शृण्वन्ति तवाहिताः । ते मूर्च्छिताः पतिष्यन्ति न्यस्तशस्त्रा विचेतना ॥

asya shankhasya nihraadam ye shrinvanti tavaahitaah | te moorchchhitaah patishyanti nyastashastraa vichetanaa ||asya śaṅkhasya nihrādaṃ ye śṛṇvanti tavāhitāḥ | te mūrcchitāḥ patiṣyanti nyastaśastrā vicetanā ||

खड्गशङ्खाविमौ दिव्यौ परसैन्यविनाशिनौ । आत्मसैन्यस्वपक्षाणां शौर्यतेजोविवर्धनौ ॥

khadgashankhaavimau divyau parasainyavinaashinau | aatmasainyasvapakshaanaam shauryatejovivardhanau ||khaḍgaśaṅkhāvimau divyau parasainyavināśinau | ātmasainyasvapakṣāṇāṃ śauryatejovivardhanau ||

एतयोश्च प्रभावेन शैवेन कवचेन च । द्विषट्सहस्रनागानां बलेन महतापि च ॥

etayoshcha prabhaavena shaivena kavachena cha | dvishatsahasranaagaanaam balena mahataapi cha ||etayośca prabhāvena śaivena kavacena ca | dviṣaṭsahasranāgānāṃ balena mahatāpi ca ||

भस्मधारणसामर्थ्याच्छत्रुसैन्यं विजेष्यसि । प्राप्य सिंहासनं पैत्र्यं गोप्तासि पृथिवीमिमाम् ॥

bhasmadhaaranasaamarthyaachchhatrusainyam vijeshyasi | praapya simhaasanam paitryam goptaasi prithiveemimaam ||bhasmadhāraṇasāmarthyācchatrusainyaṃ vijeṣyasi | prāpya siṃhāsanaṃ paitryaṃ goptāsi pṛthivīmimām ||

इति भद्रायुषं सम्यगनुशास्य समातृकम् । ताभ्यां सम्पूजितः सोऽथ योगी स्वैरगतिर्ययौ ॥

iti bhadraayusham samyaganushaasya samaatrikam | taabhyaam sampoojitah so’tha yogee svairagatiryayau ||iti bhadrāyuṣaṃ samyaganuśāsya samātṛkam | tābhyāṃ sampūjitaḥ so’tha yogī svairagatiryayau ||

इति श्रीस्कान्दे महापुराण एकाशीतिसाहस्र्यां संहितायां तृतीये ब्रह्मोत्तर खण्डे सीमन्तिनीमाहात्म्ये भद्रायूपाख्याने शिवकवचकथनं नाम द्वादशोऽध्यायः ॥ १२ ॥

iti shreeskaande mahaapuraana ekaasheetisaahasryaam samhitaayaam triteeye brahmottara khande seemantineemaahaatmye bhadraayoopaakhyaane shivakavachakathanam naama dvaadasho’dhyaayah || 12 ||iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmottara khaṇḍe sīmantinīmāhātmye bhadrāyūpākhyāne śivakavacakathanaṃ nāma dvādaśo’dhyāyaḥ || 12 ||